बुलाकी शर्मा
राजस्थान
मौसम विभाग रै प्रोग्राम मुजब चालणो आपरी मजबूरी है। मंत्रियां-अफसरां रा टूर-प्रोग्राम ई आगै-लारै हुय जाया करै जणै मानसून वैâ मौसम विभाग नै कांई दोस देवणो।
अबकी आपरै मन में पैलपोत भगवान राम री जळम भोम अजोध्यानगरी पूगण री चावना ही। रामलला रो भव्य मिंदर बण्या पछै आपरो अठै पधारणो नीं हुय सक्यो हो।
सुरक्षा रो करड़ो बंदोबस्त। वीवीआईपी ई बिना परमिशन पूग नीं सवैâ। टॉप सूं टॉप सीसीटीवी कैमरा। फेरूं ई आप छात में मारग निकालनै निधड़क राम जी रा दरसण सारू मिंदर में पूगग्या। आपरै बठै पूगण री सार्वजनिक घोषणा पुजारी जी करी जणै नासमझ लोगां आपरी भगती री जै-जैकार करण री ठौड़ निर्माण में चूक बतावता थका वैâवण लाग्या वैâ मिंदर पैली बिरखा ई सहन कोनी कर सक्यो। बिरखा सूं बीं री छात में रिसाव हुयग्यो है। बा टपकण लागी है। कमियां निकाळणियां अे भोळा प्राणी भगती री सगती सूं अणजाण लखावै। बां नै ध्यान हुवणो चाइजै वैâ परमात्मा जद आपरै परम भगत ध्रुव री रक्षा सारू नरसिंघ रै रूप में खंभो फाड़नै अवतरित हुया हा जणै बिरखा राणी री भगती सूं प्रसन्न हुयनै रामलला जी आपरै मिंदर री छात रै छेद करसी ई।
रामलला रा दरसण करण साथै आप हरख अर उमाव सूं रामपथ माथै इसो निरत्य करियो वैâ बो धंसग्यो। मोटा-मोटा खाडा हुयग्या। आप ई बतावो बिरखा राणी सा! आम चुनावां सूं पैला इण मिंदर रो भव्य उद्घाटन करावण री सरकार अर ट्रस्ट नै हड़बड़ी ही जणा काम ई हड़बड़ी में ई करीजै। हड़बड़ी री इण गड़बड़ी सूं अजोध्या नगरी रा बाशिंदा ई नाराज लाग्या। मिंदर रो उद्घाटन करावणआळी सरकार रै नुमाइंदै नै लोकसभा चुनाव में हरायनै विपक्षी नुमांइदै नै जिताय दियो।
अजोध्यावासियां सूं चुनावां पछै सरकार रूठियोड़ी है अर अबै मिंदर री छात मांय सूं आयनै आपरै दरसण करण सूं घाव में गोभो हुयग्यो है। मिंदर री व्यवस्था देखणिया अेकर मिंदर निर्माण में लाग्योड़ां नै जिम्मेदार मानता थकां बां माथै भूंड रो ठीकरो फोड़सी। पण बे जाणै, सेवा करतां मेवा मिलिया करै पण माड़ा दिन आवै जणै सस्पेंशन, अेपीओ आद काळा ई चाबणा पड़ै। नूंवो नव दिन अर खांच-ताण नै तेरह दिन! जनता भूल जासी फेर पाछा बे ई घोड़ा अर बे ई मैदान। आपरी भगती नै निंवण है बिरखा राणी सा।