बुलाकी शर्मा राजस्थान
‘प्रिंस अर पिंकी निजर ई कोनी आ रैया, बीनणी। सिंझ्या पड़गी है।’ गळी में चौकी माथै बैठी रुकमा काकी री बात सुण’र रसोई रै काम में लाग्योड़ी सुलोचना बारै आय’र कीं नाराजगी सूं बोली, ‘टाबरां रा नांव बिगाड़ो ना मम्मी जी। राज शेखर अर प्रियंका वैâया करो।’
अचंभै सूं आंख्यां चवड़ी करती रुकमा काकी बोली, ‘अे तो लाड रा फूटरा नांव है बीनणी। हमेस आं नावां सूं बतळावां।’
सासू-बहू री बातां सुण’र रंजना अर राघव री मम्मी ई बठै आयगी। रंजना बोली, ‘अबै लाड-कोड रा नांव कोनी चालै काकी सा। अेक ई नांव सूं बतळा सको।’
रुकमा काकी वैâयो, ‘अरे भोळी लुगायां, ज्यादा नांव राखण री तो आपांरी पुराणी परंपरा रैयी है। पिंडतजी नांवकरण करै जणै छोरै रा चार नांव राखै अर छोरी रा पांच नांव राखै। क्यूं थांनै ठा कोनी वैâ?’
‘ठा तो है पण अबै नूंवी रीत लागू हुय रैयी है।’ रंजना बोली, ‘आपां रै देस नै अबै सिरफ भारत ई वैâवणो है।’
रुकमा काकी पूछ्यो, ‘क्यूं, अबै किसी नवादी बात हुयगी। सूरज भगवान पूरब री ठौड़ पच्छिम में ऊगण लागग्या वैâ? भारत वैâवो वैâ इंडिया वैâ हिंदुस्थान। आपांरो देस महान है अर इण री महिमा निरवाळी है।’
हमेस अखबार बांचण वाळी अर टीवी न्यूज चैनल देखण वाळी राघव री मम्मी बतायो वैâ अपार ओ मुद्दो गरमायोड़ो है। मेक इन इंडिया, डिजीटल इंडिया, स्किल इंडिया, स्टार्टअप इंडिया, फेम इंडिया, फिट इंडिया, साइनिंग इंडिया आद नावां रो जोर-जोर सूं जाप करण वाळां नै अबै इंडिया नांव अपरोगो लागण लाग्यो है। बे वैâवै वैâ सिरफ भारत वैâवो, इंडिया नीं।’
रुकमा काकी वैâयो, ‘म्हैं सित्तर बरस लेय लिया। गुमैज सूं भारत, हिंदुस्थान अर इंडिया वैâवां। अचाणचक अबै आ बात कियां उठगी?’
रंजना मूंडो बिगाड़ती बोली, ‘विरोधी पार्टियां रो ओ काम है काकी सा। बे सगळा मिल’र गठजोड़ करियो है अर नांव राख लियो ‘इंडिया।’ जणै सत्ता वाळा ल्याई कांई करै।’
रुकमा काकी सवालिया निजर सूं देखती सवाल करियो, ‘विरोधी पार्टियां आपरै गठजोड़ रो नांव ‘भारत’ राखती जणै?’
रंजना जवाब देवण सारू दिमाग भिड़ा रैयी ही वैâ टाबरिया दौड़ता-कूदता आयग्या।
‘राजशेखर… प्रियंका देर ज्यादा कर दी नीं।’ सुलोचना री बात सुण’र बेटो नाराजगी सूं बोल्यो, ‘स्कूल के नाम से मत बुलाओ मम्मा। मुझे अच्छा नहीं लगता। प्रिंस कहा करो प्लीज।’
‘और मुझे पिंकी।’ बेटी वैâयो। रुकमा काकी आपरी बहू सुलोचना कानी देख्यो। बा मूंडो फोर लियो।