बुलाकी शर्मा राजस्थान
गाळ अर अपणायत रो गहरो संबंध है। जिणसूं खास अपणायत हुवै, बीं नै ई गाळ काढ़ीजै। अेरै-गेरै नै नीं। म्हारै अठीनै तो ब्यांव जिसी सुभ घड़ी सगा-संबंधी गाळ सुण’र राजी हुवै। बां नै जे गाळ्यां नीं काढ़ीजै जणै बे बेराजी हुय’र ओळमो देवै। गाळ्यां सुणन सारू ई सगोजी ब्यांव रा गीत गांवती लुगायां माथै टेढ़ी-मेढ़ी बात्यां री बिरखा करै अर लुगायां बां नै लबड़धक्कै लेंवती गाळ्यां काढ़ै – ‘बोल्यो रे बोल्यो गाळ्यां रै कारण बोल्यो
माळजादी रा कुण वैâयो सो बोल्यो।’
गाळ्यां सण’र सगोजी खिल-खिल हांसै। बे फेर सग्यां सूं मसखरी करै जणै लुगायां फेर बां रो गाळ्यां सूं सनमान
करै –
‘हूं रे हूं थांरी धोती में है जूं
अबवैâ बोल्या तो थांरै पंसैरी री दूं।’
गाळ्यां सुण’र सगा-संबंधियां रो जीव-सोरो हुय जावै। नवा परणीज्योड़ा बींद-बीनणी रै परिवारां बिचाळै औपचारिक संबंधां री ठौड़ अपणायत में लगोलग इजाफो हुवण लागै।
बालगोठिया भायला आपस में मिलै जणै गाळ्यां सूं अेक-दूजो सूं हेलो-वेलो करिया करै। जे कोई भायलो सुसंस्कारी दीखण रो खोळियो ओढ़्योड़ो सोच-संभळ’र शालीनता सूं बात्यां करण ढ़ूवैâ जणै भायला बीं नै इसी टाळवीं गाळ्यां सुणावै बो सागी चांकै आय जावै।
आपांरा जिका माननीय जनप्रतिनिधिजी आपां सूं घणी अपणायत राखै, बे अेमअेलअे, अेमपी, मंत्री बण्यां पछै ई गाळ्यां सूं रिस्तो बणायो राखै। आपां आपांरी समस्यावां रै समाधान सारू बां साम्हीं अरज करां जणै बे समस्यावां नै गौण अर अपणायत नै प्राथमिकता देवै। दो-च्यार गाळ्यां काढ़’र ई बे आपांरी बात सुणै। बिहार रा अेक जनप्रतिनिधिजी तो तकिया-कलाम बणाय राख्यो है – गारी है तरकारी, माल बड़ा भारी। बां नै गुमैज है कै डिक्शनरी में बां जित्ती गाळ्यां बांच राखी है, मौकै माथै बां नै बे सगळी चेतै आय जावै अर बे इकधार बीं री बौछार करै।
आपांरा जनप्रतिनिधिजी किणी दूजै लोक रा नीं, इणी लोक रा है। आपां ई बां नैं लोकतांत्रिक तरीवैâ सूं चुणां अर चावां कै बे खुद नैं वीवीआईपी नीं मान’र आपां जिसा आम आदमी मानै। आपांरै सुख-दुख रा सीरी रैवै। आपां री भावनावां रो ध्यान राखता थकांई बे गाळ्यां काढ़ै फेर ई अफसोस वैâ नासमझ विरोधी माननीयां री गाळ्यां नैं अपसबद, अमर्यादित, अशिष्ट मानै। गाळ्यां नै अपसबद बतावता धरणो-प्रदर्शन करण लागै। अस्तीपैâ री मांग करण लागै। अपणायत राखणियो ई गाळ्यां काढ़्या करै। माननीयां री आपां सूं अपणायत है जणै बे गाळ्यां रै छमवैâ साथै बात्यां करै। अफसोस वैâ विरोध करणिया में इत्ती ई समझ कोनी।