बुलाकी शर्मा राजस्थान
धाकड़जी भोत सेंसेटिव है। इत्ता कै अमरीका, रूस, चीन वैâ किणी दूजै छोटै-मंझौळै देश रा मुखिया आपरै देश में कोई बात केवै वैâ किणी अेक्शन री धमकी देवै तो आपरै घरै बैठ्या धाकड़जी रो सुगर अर ब्लड-प्रेशर गड़बड़ावण लागै। खुद नै चांकैसर लावण सारू बां नै तुरता-फुरत फेसबुक पोस्ट लगावणी पड़ै।
सेंसेटिव बण्यो रैवण सारू बे चौबीसूं घंटा खबरां रै ओळै-दौळै रैवै। घर में सगळा न्यूज चैनल फिरोळता रैवै। घर सूं बारै रिश्तेदारां वैâ आयला-भायलां बिचाळै हुवै जणै मोबाइल रै मारफत लेटेस्ट न्यूज सूं अपडेट रैवै अर हाँट करणआळी न्यूज आपरै व्यूज साथै फेसबुक ऊपरां चैपता रैवै। दूजां बिचाळै हुवती महताऊ बात्यां बां नै साव गैर-जरूरी लागै अर राष्ट्रीय अर अंतरराष्ट्रीय मुद्दां माथै चिंता अर चिंतन में लाग्या रैवै।
आपरी इमेज रो बे पूरो ध्यान राखै। लोकल लोगां, भायला-भापेलां वैâ घटनावां में उळझ’र बे आपरी नेशनल अर इंटरनेशनल इमेज रो डिग्रेशन कोनी करै। बां री पारखी निजर पैला धांसू इंटरनेशनल खबरां माथै टिवैâ अर आपरी टीप साथै बां नै फेसबुक माथै टेवैâ। फेर टाळवीं नेशनल खबरां, नामी अर टाळवां राजनेता, फिल्मी हस्तियां, खेल-खिलाड़ी, साहित्यकार, रंगकर्मी, बुद्धिजीवी आद माथै फेसबुक ऊपरां पैला सूं आयोड़ी दूजां री पोस्टां रै हवालै साथै पोस्ट चेप’र बां रै पोस्टमार्टम सारू फेसबुक प्रâेंड्स नै जोस दिरावै अर आपरै सामाजिक सरोकारां रो फरज निभावै।
लारलै दिनां राजधानी रा अेक नामी अेक्टिविस्ट फेसबुक रा सुपर अेक्टिविस्ट धाकड़जी सूं बिचार-विमर्श सारू बां रै दौलतखानै पूग्या।
मोबाइल ऊपरां निजर टिकायां ई धाकड़जी बां रो सुवागत कर’र बां साथै सेल्फी लीवी अर फेसबुक माथै चैप दी।
अेक्टिविस्ट जी बोल्या, ‘आपके शहर का तो बुरा हाल है साहेब। सड़कें टूटी हुई हैं। आवारा मवेशी घूम रहे हैं। सिवरेज लाइनों के चक्कर में जगह-जगह गड्ढे हो रखे हैं। आपके घर पहुंचने में बहुत प्रोब्लम हुई। आप अपने शहर की अव्यवस्थाओं पर क्यों नहीं लिखते?’
‘लोकल प्रोब्लम पर लिखण में भोत प्रोब्लम है। आं पंगां सूं दूरी चोखी।’ बां जवाब दियो।
‘देश-दुनिया की घटनाओं पर आप एलर्ट हैं। हमेशा बीसों पोस्ट लगाते हैं। फिर अपने शहर री प्रोब्लम्स पर लिखने में…!’
‘प्रोब्लम ई प्रोब्लम है। कॉलोनी री प्रोब्लम राख्यां वार्ड-पार्षद री नाराजगी झेलण री प्रोब्लम, स्हैर री राख्यां अेमअेलअे साब रै भगतां अर जिला प्रशासन री रीस री प्रोब्लम।’
‘किन्तु आप तो देश-विदेश…!’
‘देश-विदेश आळां नै टैम कठै है पोस्टां पढ़ण री। स्हैर अर कॉलोनी आळा लट्ठ लियोड़ा ई दीखै।’ धाकड़जी ताजी पोस्ट माथै लाइक अर कमेंट देखता बिचाळै बोल्या, ‘थे सोशल अेक्टिविस्ट हो अर म्हैं फेसबुकिया अेक्टिविस्ट। थे लोगां बिचाळै जाय’र बां री प्रोब्लम सॉल्व करो अर म्हैं फेसबुक माथै अेक्टिव रैय’र।’
धाकड़ जी नै बे अचंभै में देखता ई रैयग्या।
