बुलाकी शर्मा. राजस्थान
दुनिया रै बजार में रुपियै री कीमत गिरण री अफवाह गरमागरम है। दूजा देस तो विश्व गुरु रै रुतबै सूं खार खायोड़ा रुपियै नै गिरियोड़ो बतावै पण अफसोस वैâ न्यू इंडिया में राष्ट्रविरोधी ई वैâय रैया है वैâ रुपियो अबै बेगो ई सेंचुरी मारसी। सेंचुरी में गिणती रा रन ई बच्या है। हंडरेड रुपीज इक्वल टू ओनली वन डॉलर!
बिचारण री बात आ है वैâ रुपियै री तबियत वाकई खराब है वैâ विश्वगुरु नै बदनाम करण सारू डॉलर नै माडाणी ताजो-मोटो बतावण री साजिश है? रुपियै री कीमत साची गिर रैई है वैâ ट्रम्प रै डॉलर साम्हीं गिरण रो बो ड्रामो कर रैयो है क्यूंवैâ जद महंगाई, बेरोजगारी गिरण री ठौड़ पतंग जियां आभै में ऊंची सूं ऊंची उडार भर रैई है फेर रुपियो कटियोड़ी पतंग दांई नीचै कियां गिर सवैâ? आपांरै देश रो आखै मुलक में डंको बाज रैयो है पण सुणणिया इसा नुगरा वैâ बींनै फाट्योड़ो ढोल बता रैया है। दूजा देशां रै पेट में मरोड़ा चालणो समझ आवै पण विपक्षी अर खुद नै बुद्धिजीवी मानणियां री जीभां नै कतरणियां बणतां देख’र दुख हुवै।
सारे जहां से अच्छा हिंदुस्तान हमारा नै बदनाम करण सारू रुपियै री कीमत गिरण रा फरजी आंकड़ा राखीज रैया है। दस-बारै साल पैला री सरकारां में डॉलर रै मुकाबलै रुपियै री कीमत गिरिया करती ही। अबार रा पीअेम बीं टैम गुजरात रा सीअेम हा जणै रुपियै री कीमत गिरणो देश री इज्जत गिरणो बतावता बे कित्ता तीखा बोलता हा पण अबै बे ना कोई स्टेटमेंट देय रैया है अर ना कोई अेक्शन लेय रैया है, जणै साफ है वैâ रुपियो सजोरो है! गिरण री बात साव कूड़ी है।
लोगां नै याद राखणो चाइजै वैâ अबै आपां ऑल्ड इंडिया रा नीं न्यू इंडिया रा बाशिंदा हां। न्यू इंडिया में रुपियै री कीमत तर-तर बधती जा रैई है। इणरै बूतै चुणीज्योड़ी सरकारां गिराइज रैयी है। स्वायतशाषी वैâईजती अेजेंसियां रा उसूल, नैम-कायदा गिर रैया है। जिको रुपियो दूजां रै ईमान नै गिरा सवैâ, नेम-धरम नै गिरा सवैâ, बो खुद कियां गिर सवैâ? जे फेर ई राष्ट्र विरोधी बाशिंदा वैâ दूजा देश गिरण री बात करणी बंद नीं करी तो म्हे गिरियोड़ै रो नांव बदळ’र ऊंचो उठियोड़ो कर देसां। म्हे जद जूना स्हैरां, जूनी इमारतां रो नांव बदळण रो हौसलो राखां जणै गिरतै रुपियै नै ऊंचो उठियोड़ो घोषित करण में किसी देर लागै। न्यू इंडिया में रुपियो लोगां रो ईमान गिरावण में लाग्योड़ो है। बीं री कीमत गिर ई कोनी सवैâ। अफवावां सूं बच’र रैवणो है।
वंदे मातरम।