बुलाकी शर्मा / राजस्थान
म्हारा लेखक बेलियां,
आपनैं जाण’र अणमाप हरख हुवैला कै आपांरो भारतीय डाक विभाग पार्सल अर स्पीड पोस्ट री कीमतां डबल कर’र दीवी है।
पार्सल अर स्पीड पोस्ट री कीमत अर लेखकां री कीमत में गैरो गनो है। डाक री कीमत बध्यां लेखकां री कीमत ई बधै। आपांरी कीमत बधावण सारू ई सरकार डाक री कीमत बधावै। एनशियेंट इंडिया रा बे दिन याद करो जद देश रै किणी महानगर, मेट्रो सिटी वैâ किणी कस्बै, गांव, ढाणी, जचै जठैई आपां डाक सूं पोथ्यां इकसार रेट सूं भेजता। पोस्ट मास्टर नैं आपांरै रसूकातां रो ध्यान ई कोनी लागतो वैâ आपां मुम्बई जिसै महानगर रै बाजिंदै लेखक नैं पोथ्यां भेज रैया हां वैâ किणी गांव-ढाणी रै कलमघिस्सू नैं।
न्यू इंडिया में आपांरी पैठ में इजाफो करण सारू ई सरकार भारत में ई डाक री कीमतां न्यारी-न्यारी राखी है। स्सै सूं कमती रेट लोकल भेजण री, फेर खुद रै स्टेट री, फेर जोन अर मेट्रो स्हरां री अर दूजै स्टेट्स में डाक भेजण री रेट स्सै सूं बेसी। मतलब डाक री रेट बधण रै साथै लेखकां री पेठ बधै। जिको पोस्ट मास्टर आपांनैं प्राइमरी स्कूल रै मास्टर सूं ई कमती रेस्पोंस देंवतो, बो अबै आपांनैं न्यूज चैनलां रै प्राइम टाइम उनमान रेस्पोंस देवै वैâ भाईसाब रो तल्लो-मल्लो महानगरां, अदर स्टेट्स में है, आं सूं बणा’र राखण में फायदो है अर अबै डाक री डबल रेट हुवण सूं आपांरी रेट चौबल हुयगी है।
ल्याई डाक विभाग लेखकां रो भोत ध्यान राखै। ‘बुक पोस्ट’ रो नांव ‘ज्ञान पोस्ट’ कर’र बीं री रेट बुक पोस्ट सूं घणी राखी तावैâ जनता में ओ मेसैज जावै वैâ ज्ञान सस्तो कोनी बंटै। फेर डाक विभाग नैं मैसूस हुयो वैâ ज्ञान पोस्ट री कीमत कमती राख’र बो ज्ञान री इंसल्ट करी है। अबै कीमत डबल कर’र ज्ञान अर आपां जिसा ज्ञानियां रो मान बधायो है।
कथा-सम्राट प्रेमचंदजी रो फाट्योड़ा जूता पैर’र आपरी जोड़ायत साथै खैंचायोड़ो फोटू वायरल हुयां पछै सगळा लोग लेखकां नैं गरीबदासिया समझै। डाक विभाग नैं लखदाद वैâ बो डाक री कीमतां लगोलग बधा’र लेखकां री इमेज सुधारी है वैâ बे कीमत बधण री परवाह नीं करै। आपरी पोथ्यां लेखक साथियां, संपादकां, साहित्य रा भोमियां नैं सादर-सप्रेम भेजता रैवै, चायै बे पूग रा समंचार ई ना देवो।
लेखकां कानी सूं भारतीय डाक विभाग रो मान-सनमान समारोह तैवड़ीज्यो है। आप सगळां नैं विगतवार सूचना टैमसर पूगती हुय जासी।