ऋतुचक्र : नई मतदाता सूची बनत हउवे, पिया नमवा डराइ द

सुरेश मिश्र

गांव में एसआईआर चल रहा है। पतिदेव परदेस में हैं। घर में कोई है नहीं। नायिका की सुंदरता उसके लिए मुश्किल पैदा कर रही है। बीएलओ और गांव का प्रधान बार-बार चक्कर लगा रहे हैं। बिना किसी सूचना के आंगन में घुस जाते हैं, तमाम सबूत मांगते हैं। वोटर लिस्ट से नाम कटने पर क्या नुकसान होगा बताकर धमकाते हुए डराते हैं। परेशान नायिका ने प्रियतम को फोन किया-
नई मतदाता सूची बनत हउवे,
पिया नमवा डराइ द
जोड़-तोड़ वाली चलिया चलत हउवे
पिया नमवा डराइ द
नमवां कटे तउ न पइबइ रसनवां,
चुल्हवा जरे कइसे, बोला सजनवां,
बीएलओ आके मनई गनत हउवें
पिया नमवा डराइ द
नई मतदाता सूची…
हमरा किसान निधि क पइसा भी कटिहैं,
पीएम अवसवा हमइ कइसे बंटिहैं,
सगरे परदेसी चुनि-चुनि छंटत हउवें,
पिया नमवा डराइ द।
नई मतदाता सूची…
मांगइं सबुतवा त सूखइ परान पिया,
नइहर क हमरे न कवनउ प्रमान पिया
मोर टेंशन मा दिनवां कटत हउवे,
पिया नमवा डराइ द
नई मतदाता सूची…
पगलान बाटइ हो मुवां परधनवां,
घुसि आवइ बिनु खांसे हमरे अंगनवां,
दांव आपन निबहुरा चलत हउवे,
पिया नमवा डराइ द
नई मतदाता सूची…
परधानी जेकरा लड़इ के बा सइयां,
बुलबुल फंसावत हएन अबकी दइयां,
रात-दिन सबके पइयां परत हउवें,
पिया नमवा डराइ द
नई मतदाता सूची…
फोनवा करा राजा तू कहिया अइब्या,
हमरा के बालम जी केतना सतइब्या,
जिया कउड़ा के जइसन जरत हउवे,
पिया नमवा डराइ द